काठमाडौं । मौसम विभागका अनुसार आइतबार राति देशभर साधारणतया देखि पूर्णतया बदली रहने छ ।
कोशी, मधेश, बागमती, गण्डकी र लुम्बिनी प्रदेशका धेरै स्थानहरू र देशका बाँकी भूभागका थोरै स्थानहरूमा मेघ गर्जन र चट्याङ्ग सहित हल्कादेखि मध्यम वर्षाको सम्भावना रहेको छ।
साथै कोशी, मधेश, बागमती, गण्डकी र लुम्बिनी प्रदेशका थोरै स्थानहरूमा भारी वर्षाको पनि सम्भावना रहेको छ ।
तर कोशी,बागमती र गण्डकी प्रदेशका एकदुई स्थानमा भने धेरै भारी वर्षाको पनि सम्भावना रहेको विभागले जनाएको छ । यी स्थानमा भने सतर्क रहनुपर्ने छ ।
