काठमाडौं । मौसम विभागका अनुसार बिहिबार बिहान तथा दिउँसो मौसम सफा नै रहने संभावना धेरै छ ।
मौसम विभागका अनुसार कोशी प्रदेशका पहाडी भूभागमा आंशिक बदली रही बाँकी भूभागमा मौसम मुख्यतया सफा रहने देखिएको हो ।
तर कोशी प्रदेशका उच्च पहाडी तथा हिमाली भूभागका एकदुई स्थानमा हल्का हिमपातको सम्भावना रहेको छ ।
बिहिबार राति कोशी प्रदेशका पहाडी भूभागमा आंशिक बदली रहि बाँकी भूभागमा मौसम मुख्यतया सफा रहने विभागले बताएको छ ।
