काठमाडौं । वैदेशिक रोजगारमा गएर फर्किएकाहरु जो उद्यामशिल भएर बसेको छन्, उनीहरुलाई श्रम रोजगार तथा सामाजिक सुरक्षा मन्त्रालयले पुरस्कार प्रदान गर्ने भएको छ । पुरस्कारको लगि आवेदन माग गरेको हो ।
उद्यम गरी राष्ट्रिय उत्पादन र रोजगारीमा योगदान गरिरहेका उद्यमीलाई योगदानको कदरस्वरुप पुरस्कृत गर्न लागेको मन्त्रालयले जनाएको छ ।
यसले स्वरोगजारीलाई प्रोत्साहन समेत हुने जानाकारी गराएको हो ।
पुरस्कारको लागि कार्य भिसामा विदेश गई कम्तिमा १ वर्ष काम गरेको हुनुपर्ने छ ।
वैदेशिक रोजगारबाट नेपाल फर्की व्यवसाय संचालन गरेको न्यूनतम १ वर्ष पुगेको हुनपर्ने छ ।
विगतमा यो पुरस्कार नपाएको समेत हुनुपर्ने मन्त्रालयले जनाएको छ ।
