काठमाडौं । साताको पहिलो दिन पनि सेयर बजारमा गिरावट आएको छ ।
आइतबार, नेप्से परिसूचक ९.१९ अंकले घटेर २६१७.९५ अंक विन्दुमा आइपुगेको छ ।
आज १ करोड ११ लाख ३४ हजार कित्ता सेयर ४ अर्ब ७३ करोड २४ लाखमा खरिद बिक्री भएको छ ।
त्यस्तै, ९१ वटा कम्पनीको सेयर मूल्य बढ्दा १४१ वटा कम्पनीको घटेको छ भने ११ वटा कम्पनीको स्थिर अवस्थामा रहेको छ ।
त्यसैगरि, आईसीएफसी फाइनान्सको सर्वाधिक सेयर खरिदबिक्री भएको छ । कम्पनीको आज ३२ करोड ६४ लाख रुपैयाँमाथिको कारोबार भएको छ ।
त्यस्तै, नेपाल एसबीआई बैंकको २१ करोड ६२ लाख, सीईडीबी हाइड्रोपावरको १८ करोड ८६ लाख, जानकी फाइनान्सको १८ करोड २० लाख, समृद्वि फाइनान्सको १८ करोड १२ लाख रुपैयाँमाथिको कारोबार भएको छ ।
