काठमाडौं । साताको तेस्रो दिन पनि सेयर बजार दोहोरो अंकले बढेको छ ।
मंगलबार, नेप्से परिसूचक २५.८८ अंकले बढेर २६६५.८१ अंक विन्दुमा आइपुगेको छ ।
आज १ करोड ९ लाख ६२ हजार कित्ता सेयर ४ अर्ब १७ करोड १६ लाखमा खरिद बिक्री भएको छ ।
त्यस्तै, १९९ वटा कम्पनीको सेयर मूल्य बढ्दा ४० वटा कम्पनीको घटेको छ भने ५ वटा कम्पनीको स्थिर अवस्थामा रहेको छ ।
त्यसैगरि, गुडवील फाइनान्सको सर्वाधिक सेयर खरिदबिक्री भएको छ । कम्पनीको आज १७ करोड ३२ लाख रुपैयाँमाथिको कारोबार भएको छ ।
त्यस्तै, कुमारी बैंकको १३ करोड ८० लाख, हिमालयन रि इन्स्योरेन्सको १२ करोड २८ लाख, पिपल्स् हाइड्रोपावरको १० करोड ९९ लाख, नेपाल एसबीआई बैंकको ८ करोड ९३ लाख रुपैयाँमाथिको कारोबार भएको छ ।
