काठमाडौं । साताको दोस्रो दिन पनि सेयर बजार दोहोरो अंकले घटेको छ ।
सोमबार, नेप्से परिसूचक ५७.९९ अंकले घटेर २६३९.९२ अंक विन्दुमा आइपुगेको छ ।
आज १ करोड ३८ लाख ६३ हजार कित्ता सेयर ५ अर्ब ९० करोड ७ लाखमा खरिद बिक्री भएको छ ।
त्यस्तै, २३ वटा कम्पनीको सेयर मूल्य बढ्दा २२१ वटा कम्पनीको घटेको छ ।
त्यसैगरि, हिमालयन रि इन्स्योरेन्सको सर्वाधिक सेयर खरिदबिक्री भएको छ । कम्पनीको आज २२ करोड ३ लाख रुपैयाँमाथिको कारोबार भएको छ ।
त्यस्तै, न्याङदी ग्रूपको १७ करोड ७६ लाख, कुमारी बैंकको १७ करोड ६८ लाख, गुडवील फाइनान्सको १४ करोड २४ लाख, नेपाल फाइनान्सको १३ करोड ९६ लाख रुपैयाँमाथिको कारोबार भएको छ ।
