काठमाडौं । नेपाल स्टक एक्सचेन्ज (नेप्से) मा एक लघुवित्तसहित दुई कम्पनीको सेयर मूल्य समायोजन भएको छ । मंगलबार, गुराँस लघुवित्त वित्तिय संस्था लिमिटेड र प्रभु महालक्ष्मी लाइफ इन्स्योरेन्स लिमिटेडको बोनस सेयरमा मूल्य समायोजन भएको हो ।
जसमा गुराँस लघुवित्तको १४.२५ प्रतिशत बोनस सेयरमा मूल्य समायोजन भएको छ । कम्पनीको आजको अन्तिम कारोबार मूल्य १८१८.८० रुपैयाँलाई आधार मानेर मूल्य समायोजन भएको छ । समायोजन पश्चात कम्पनीको मूल्य १५९१.९५ रुपैयाँ कायम भएको छ ।
त्यस्तै, प्रभु महालक्ष्मी लाइफ इन्स्योरेन्सको १० प्रतिशत बोनस सेयरमा मूल्य समायोजन भएको छ । आजको अन्तिम कारोबार मूल्य ६०५ रुपैयाँलाई आधार मानेर मूल्य समायोजन भएको छ । समायोजन पश्चात कम्पनीको मूल्य ५५० रुपैयाँ कायम भएको छ ।
योसँगै, अब भोलि बुधबार समायोजित मूल्यलाई आधार मानेर यी दुई कम्पनीको कारोबार खुला हुनेछ ।
