काठमाडौं । साताको दोस्रो दिन सेयर बजार दोहोरो अंकले घटेको छ ।
सोमबार, नेप्से परिसूचक ५७.०३ अंकले घटेर २५८०.७६ अंक विन्दुमा आइपुगेको छ ।
आज १ करोड ७० लाख ६१ हजार कित्ता सेयर ७ अर्ब ३६ करोड १९ लाखमा खरिद बिक्री भएको छ ।
त्यस्तै, १४ वटा कम्पनीको सेयर मूल्य बढ्दा २२७ वटा कम्पनीको घटेको छ भने ३ वटा कम्पनीको स्थिर अवस्थामा रहेको छ ।
त्यसैगरि, सीईडीबी हाइड्रोपावरको सर्वाधिक सेयर खरिदबिक्री भएको छ । कम्पनीको आज ३१ करोड ११ लाख रुपैयाँमाथिको कारोबार भएको छ ।
त्यस्तै, सानिमा रिलायन्स लाइफ इन्स्योरेन्सको २७ करोड ४२ लाख, नेपाल फाइनान्सको २० करोड ९० लाख, एनएलजी इन्स्योरेन्सको १८ करोड २४ लाख, हिमालयन रि इन्स्योरेन्सको १४ करोड ७७ लाख रुपैयाँमाथिको कारोबार भएको छ ।