काठमाडौं । सेयर बजारमा ओरालो लाग्ने क्रम जारी रहेको छ ।
मंगलबार, नेप्से परिसूचक १३.०९ अंकले घटेर २६३२.९४ अंक विन्दुमा आइपुगेको छ ।
आज १ करोड ९० लाख ७७ हजार कित्ता सेयर ७ अर्ब २४ करोड ५५ लाखमा खरिद बिक्री भएको छ ।
त्यस्तै, ६७ वटा कम्पनीको सेयर मूल्य बढ्दा १७० वटा कम्पनीको घटेको छ भने ८ वटा कम्पनीको स्थिर अवस्थामा रहेको छ ।
त्यसैगरि, एचआईडीसीएल प्रमोटरको सर्वाधिक सेयर खरिदबिक्री भएको छ । कम्पनीको आज २९ करोड ८१ लाख रुपैयाँमाथिको कारोबार भएको छ ।
त्यस्तै, हिमालयन रि इन्स्योरेन्सको २१ करोड ७६ लाख, सीईडीबी हाइड्रोपावरको २० करोड ३४ लाख, एनएलजी इन्स्योरेन्सको १९ करोड ४२ लाख, अपी पावरको १६ करोड २० लाख रुपैयाँमाथिको कारोबार भएको छ ।
