काठमाडौं । साताको पहिलो दिन सेयर बजार दोहोरो अंकले घटेको छ ।
आइतबार, नेप्से परिसूचक २५.४६ अंकले घटेर २७०१.९० अंक विन्दुमा आइपुगेको छ ।
आज २ करोड २२ लाख ६२ हजार कित्ता सेयर १० अर्ब १२ करोड २४ लाखमा खरिद बिक्री भएको छ ।
त्यस्तै, ८५ वटा कम्पनीको सेयर मूल्य बढ्दा १५७ वटा कम्पनीको घटेको छ भने ३ वटा कम्पनीको स्थिर अवस्थामा रहेको छ ।
त्यसैगरि, सीईडीबी हाइड्रोपावरको सर्वाधिक सेयर खरिदबिक्री भएको छ । कम्पनीको आज ४२ करोड १९ लाख रुपैयाँमाथिको कारोबार भएको छ ।
त्यस्तै, एचआईडीसीएल प्रमोटरको ३५ करोड ८१ लाख, ग्रीन लाइफ हाइड्रोपावरको ३५ करोड ५६ लाख, गुडवील फाइनान्सको ३३ करोड ७४ लाख, एनएलजी इन्स्योरेन्सको २८ करोड ३७ लाख रुपैयाँमाथिको कारोबार भएको छ ।
