काठमाडौं । साताको अन्तिम दिन सेयर बजार दोहोरो अंकले घटेको छ ।
बिहीबार, नेप्से परिसूचक १२.१० अंकले घटेर २७२७.३६ अंक विन्दुमा आइपुगेको छ ।
आज २ करोड १ लाख ५३ हजार कित्ता सेयर ९ अर्ब ६५ करोड ८ लाखमा खरिद बिक्री भएको छ ।
त्यस्तै, १०१ वटा कम्पनीको सेयर मूल्य बढ्दा १३८ वटा कम्पनीको घटेको छ भने ५ वटा कम्पनीको स्थिर अवस्थामा रहेको छ ।
त्यसैगरि, नेपाल फाइनान्सको सर्वाधिक सेयर खरिदबिक्री भएको छ । कम्पनीको आज ४० करोड ५० लाख रुपैयाँमाथिको कारोबार भएको छ ।
त्यस्तै, एनएलजी इन्स्योरेन्सको ३४ करोड २२ लाख, गुडवील फाइनान्सको २९ करोड ९६ लाख, हिमालयन रि इन्स्योरेन्सको २९ करोड ४ लाख, अपी पावरको २२ करोड ६१ लाख रुपैयाँमाथिको कारोबार भएको छ ।
