काठमाडौं । साताको अन्तिम दिन सेयर बजारमा गिरावट आएको छ ।
बिहीबार, नेप्से परिसूचक ३६.८३ अंकले घटेर २७४९.५७ अंक विन्दुमा आइपुगेको छ ।
आज २ करोड ८३ लाख कित्ता सेयर १२ अर्ब २४ करोड ३६ लाखमा खरिद बिक्री भएको छ ।
त्यस्तै, ५३ वटा कम्पनीको सेयर मूल्य बढ्दा १८८ वटा कम्पनीको घटेको छ भने २ कम्पनीको स्थिर अवस्थामा रहेको छ ।
त्यसैगरि, गुडवील फाइनान्सको सर्वाधिक सेयर खरिदबिक्री भएको छ । कम्पनीको आज ३६ करोड ६५ लाख रुपैयाँमाथिको कारोबार भएको छ ।
त्यस्तै, अपी पावरको ३६ करोड ६४ लाख, हिमालयन रि इन्स्योरेन्सको ३५ करोड ५६ लाख, नेपाल फाइनान्सको ३४ करोड ३ लाख, राधी विद्युत कम्पनीको ३१ करोड ९४ लाख रुपैयाँमाथिको कारोबार भएको छ ।
