काठमाडौं । साताको पहिलो दिन सेयर बजारमा उछाल आएको छ ।
आइतबार, नेप्से परिसूचक ११३.४२ अंकले बढेर २६८१.५६ अंक विन्दुमा आइपुगेको छ ।
आज ४ करोड ३ लाख १४ हजार कित्ता सेयर १५ अर्ब ८१ करोड ५ लाखमा खरिद बिक्री भएको छ ।
त्यस्तै, १४८ वटा कम्पनीको सेयर मूल्य बढ्दा ८७ वटा कम्पनीको घटेको छ भने ८ वटा कम्पनीको स्थिर अवस्थामा रहेको छ ।
त्यसैगरि, कुमारी बैंकको सर्वाधिक सेयर खरिदबिक्री भएको छ । कम्पनीको आज ३६ करोड १० लाख रुपैयाँमाथिको कारोबार भएको छ ।
त्यस्तै, एनआईसी एसिया बैंकको ३४ करोड ८१ लाख, हिमालयन रि इन्स्योरेन्सको ३२ करोड २५ लाख, शिवम् सिमेन्टको ३२ करोड २२ लाख, हाथ्वे इन्भेष्टमेन्टको २७ करोड ९७ लाख रुपैयाँमाथिको कारोबार भएको छ ।
