काठमाडौं । साताको अन्तिम दिन सेयर बजार दोहोरो अंकले बढेको छ ।
बिहीबार, नेप्से परिसूचक ३२ अंकले बढेर २५६८.११ अंक विन्दुमा आइपुगेको छ ।
आज ३ करोड ५५ लाख ९४ हजार कित्ता सेयर १४ अर्ब १३ करोड ६८ लाखमा खरिद बिक्री भएको छ ।
त्यस्तै, १४३ वटा कम्पनीको सेयर मूल्य बढ्दा ९६ वटा कम्पनीको घटेको छ भने ३ वटा कम्पनीको स्थिर अवस्थामा रहेको छ ।
त्यसैगरि, सानिमा जीआईसी इन्स्योरेन्सको सर्वाधिक सेयर खरिदबिक्री भएको छ । कम्पनीको आज ३४ करोड १७ लाख रुपैयाँमाथिको कारोबार भएको छ ।
त्यस्तै, हिमालयन लाइफ इन्स्योरेन्सको २४ करोड ६४ लाख, शिवम् सिमेन्टको २३ करोड ७२ लाख, फस्र्ट माइक्रो फाइनान्सको २३ करोड ५९ लाख, हिमालयन रि इन्स्योरेन्सको २० करोड ६८ लाख रुपैयाँमाथिको कारोबार भएको छ ।
