काठमाडौं । साताको अन्तिम दिन सेयर बजार दोहोरो अंकले बढेको छ ।
बिहीबार, नेप्से परिसूचक २९.२१ अंकले बढेर २२०४.६१ अंक विन्दुमा आइपुगेको छ ।
आज २ करोड २ लाख ३७ हजार कित्ता सेयर ७ अर्ब ८ करोड ६ लाखमा खरिद बिक्री भएको छ ।
त्यस्तै, १५४ वटा कम्पनीको सेयर मूल्य बढ्दा ७८ वटा कम्पनीको घटेको छ भने १२ वटा कम्पनीको स्थिर अवस्थामा रहेको छ ।
त्यसैगरि, सीईडीबी हाइड्रोपावरको सर्वाधिक सेयर खरिदबिक्री भएको छ । कम्पनीको आज १५ करोड २५ लाख रुपैयाँमाथिको कारोबार भएको छ ।
त्यस्तै, ग्लोबल आईएमई प्रमोटर सेयरको १४ करोड ८८ लाख, हिमालयन रि इन्स्योरेन्सको १२ करोड ७९ लाख, सानिमा जीआईसी इन्स्योरेन्सको १२ करोड ६८ लाख, एनआरएनको ११ करोड ७९ लाख रुपैयाँमाथिको कारोबार भएको छ ।
