काठमाडौं । साताको अन्तिम दिन सेयर बजारमा गिरावट आएको छ ।
बिहीबार, नेप्से परिसूचक १०.४४ अंकले घटेर २०६८.३१ अंक विन्दुमा आइपुगेको छ ।
आज ८६ लाख ६३ हजार कित्ता सेयर ३ अर्ब ८७ करोड ७ लाखमा खरिद बिक्री भएको छ ।
त्यस्तै, ५२ वटा कम्पनीको सेयर मूल्य बढ्दा १८६ वटा कम्पनीको घटेको छ भने ८ वटा कम्पनीको स्थिर अवस्थामा रहेको छ ।
त्यसैगरि, माउन्टेन इनर्जीको सर्वाधिक सेयर खरिदबिक्री भएको छ । कम्पनीको आज १७ करोड १४ लाख रुपैयाँमाथिको कारोबार भएको छ ।
त्यस्तै, एनआरएनको १५ करोड ७४ लाख, सीईडीबी हाइड्रोपावरको ९ करोड ९९ लाख, पोखरा फाइनान्सको ८ करोड ९६ लाख, गोर्खाज फाइनान्सको ८ करोड ६८ लाख रुपैयाँमाथिको कारोबार भएको छ ।
