काठमाडौं । साताको पहिलो दिन सेयर बजारमा दोहोरो अंकको गिरावट आएको छ ।
आइतबार, नेप्से परिसूचक १७.०४ अंकले घटेर २०९५.२५ अंक विन्दुमा आइपुगेको छ ।
आज १ करोड ३२ लाख २३ हजार कित्ता सेयर ५ अर्ब ४७ करोड २२ लाखमा खरिद बिक्री भएको छ ।
त्यस्तै, ६४ वटा कम्पनीको सेयर मूल्य बढ्दा १७७ वटा कम्पनीको घटेको छ भने ६ वटा कम्पनीको स्थिर अवस्थामा रहेको छ ।
त्यसैगरि, नेपाल फाइनान्सको सेयरमूल्यमा १० प्रतिशतको सकारात्मक सर्किट लागेको छ ।
मनकामना स्मार्ट लघुवित्तको ९.९४%, शिव श्री हाइड्रोपावरको ८.१७%, कुथेली बुखरी स्मल हाइड्रोपावरको ७.३५%, दिब्यश्वरी हाइड्रोपावरको ६.७१%, युनियन हाइड्रोपावरको ४.४५%, हिमालयन उर्जा विकास कम्पनीको ४.११%, लिबर्टी इनर्जीको ४.०५ प्रतिशतले सेयरमूल्य बढेको छ ।
