काठमाडौं । साताको तेस्रो दिन पनि सेयर बजारमा हरियाली छाएको छ ।
मंगलबार, नेप्से परिसूचक २८.६२ अंकले बढेर २०२७.५१ अंक विन्दुमा आइपुगेको छ ।
आज ९८ लाख ५५ हजार कित्ता सेयर ४ अर्ब ८ करोड ८८ लाखमा खरिद बिक्री भएको छ ।
त्यस्तै, २१९ वटा कम्पनीको सेयर मूल्य बढ्दा २२ वटा कम्पनीको घटेको छ भने ३ वटा कम्पनीको स्थिर अवस्थामा रहेको छ ।
त्यसैगरि, सीईडीबी हाइड्रोपावरको सर्वाधिक सेयर खरिदबिक्री भएको छ । कम्पनीको आज १५ करोड ८१ लाख रुपैयाँमाथिको कारोबार भएको छ ।
त्यस्तै, साइन रेसुंगा डेभलपमेन्ट बैंकको ११ करोड ६१ लाख, आरएसडीसी लघुवित्तको ७ करोड ९५ लाख, रिडी पावरको ७ करोड ३८ लाख, स्वाभिमान लघुवित्तको ७ करोड २९ लाख रुपैयाँमाथिको कारोबार भएको छ ।
