काठमाडौं । साताको दोस्रो दिन सेयर बजार सामान्य अंकले बढेको छ ।
सोमबार, नेप्से परिसूचक ३.२७ अंकले बढेर २०७३.५३ अंक विन्दुमा आइपुगेको छ ।
आज ७४ लाख ५९ हजार कित्ता सेयर २ अर्ब ८८ करोड ५६ लाखमा खरिद बिक्री भएको छ ।
त्यस्तै, १४८ वटा कम्पनीको सेयर मूल्य बढ्दा ८५ वटा कम्पनीको घटेको छ भने १० वटा कम्पनीको स्थिर अवस्थामा रहेको छ ।
त्यसैगरि, ग्रोखाज फाइनान्सको सर्वाधिक सेयर खरिदबिक्री भएको छ । कम्पनीको आज २३ करोड १४ लाख रुपैयाँमाथिको कारोबार भएको छ ।
त्यस्तै, शिवम् सिमेन्ट्सको २० करोड ३० लाख, सोनापुर मिनरल्स्को १३ करोड ४६ लाख, अपर तामाकोशी हाइड्रोपावरको ११ करोड ६४ लाख, घोराही सिमेन्टको ७ करोड ४३ लाख रुपैयाँमाथिको कारोबार भएको छ ।
