काठमाडौं । नेपाल स्टक एक्सचेन्ज (नेप्से)मा तीन कम्पनीको १ करोड कित्ताबढी बोनस सेयर सूचीकृत भएको छ ।
आइतबार नेपाल एसबीआई बैंक, आरएसडीसी लघुवित्त र मुक्तिनाथ विकास बैंकको गरि कुल १ करोड ८ लाख ३ हजार ४४२.१७ कित्ता सेयर सूचीकृत भएको हो ।
जसमा नेपाल एसबीआई बैंकको ३.७५ प्रतिशतले हुन आउने ३७ लाख ९५ हजार २३५.७६ कित्ता सेयर सूचीकृत भएको छ ।
आरएसडीसी लघुवित्तको ८.६ प्रतिशतले हुन आउने ७ लाख ४७ हजार ८२८.६५ कित्ता सेयर सूचीकृत भएको छ ।
त्यस्तै, मुक्तिनाथ विकास बैंकको ९.७५ प्रतिशतले हुन आउने ६२ लाख ६० हजार ३७७.७६ कित्ता सेयर सूचीकृत भएको छ ।
सेयर सम्बन्धीत सेयरधनीको डिम्याट खातामा हस्तान्तरण भएपछि खरिद बिक्री गर्न सकिने छ ।
