काठमाडौं । नेपाल स्टक एक्सचेन्ज (नेप्से)मा हिमालयन एभरेष्ट इन्स्योरेन्ससहित तीन कम्पनीको करिब ५६ लाख कित्ता बोनस सेयर सूचीकृत भएको छ ।
बिहीबार हिमालयन एभरेष्ट इन्स्योरेन्स, जीवन विकास लघुवित्त वित्तीय संस्था लिमिटेड र युनाइटेड अजोड इन्स्योरेन्सको गरि कुल ५५ लाख ९५ हजार ३९१ कित्ता सेयर सूचीकृत भएको हो ।
जसमा हिमालयन एभरेष्ट इन्स्योरेन्सको ८.६३ प्रतिशतले हुन आउने १९ लाख ८६ हजार २२४ कित्ता सेयर सूचीकृत भएको छ ।
जीवन विकास लघुवित्तको १४ प्रतिशतले हुन आउने १६ लाख ५४ हजार ८४७ कित्ता सेयर सूचीकृत भएको छ ।
त्यस्तै, युनाइटेड अजोड इन्स्योरेन्सको १०.२६१२ प्रतिशतले हुन आउने १९ लाख ५४ हजार ३२० कित्ता सेयर सूचीकृत भएको छ ।
सेयर सम्बन्धीत सेयरधनीको डिम्याट खातामा हस्तान्तरण भएपछि खरिद बिक्री गर्न सकिने छ ।
