काठमाडौं । साताको अन्तिम दिन सेयर बजारमा भारी गिरावट आएको छ ।
बिहीबार, नेप्से परिसूचक ३१.७६ अंकले घटेर २०६६.१७ अंक विन्दुमा आइपुगेको छ ।
आज १ करोड १३ लाख कित्ता सेयर ४ अर्ब १२ करोड ५७ लाखमा खरिद बिक्री भएको छ ।
त्यस्तै, १८ वटा कम्पनीको सेयर मूल्य बढ्दा २२७ वटा कम्पनीको घटेको छ भने १ वटा कम्पनीको स्थिर अवस्थामा रहेको छ ।
त्यसैगरि, हिमालयन रि इन्स्योरेन्सको सर्वाधिक सेयर खरिदबिक्री भएको छ । कम्पनीको आज ५४ करोड १ लाख रुपैयाँमाथिको कारोबार भएको छ ।
त्यस्तै, ङादी ग्रुप पावरको १४ करोड ९१ लाख, नेपाल रि इन्स्योरेन्सको १४ करोड ४४ लाख, एनआरएनको ८ करोड ६० लाख, अरुण काबेलीको ८ करोड ३३ लाख रुपैयाँमाथिको कारोबार भएको छ ।
