काठमाडौं । नेपाल स्टक एक्स्चेञ्ज (नेप्से)को कारोबार प्रणाली तीन दिन बन्द हुने भएको छ । नेप्सेले आज एक सूचना जारी गर्दै आगामी बिहीबारदेखि शनिबारसम्म उक्त प्रणाली बन्द हुने जानकारी गराएको हो ।
नेप्सेले विद्युत मर्मत तथा सम्भारको लागि आगामी बिहीबार अर्थात पुस २६ गते साँझ ५ बजेदेखि शनिबार अर्थात पुस २८ गते राती ११ बजेसम्म नेप्सेको कारोबार प्रणाली बन्द गर्न लागेको हो ।
नेप्सेले यस अवधिमा पर्न सक्ने असुविधाका लागि क्षमायाचना गर्दै विद्युतीय प्रणाली अद्यावधिक गर्ने यो कार्यमा सबैको साथ र सहयोगको अपेक्षा राखेको सूचनामा उल्लेख गरिएको छ ।
