काठमाडौं । साताको तेस्रो दिन सेयर बजारमा हरियाली छाएको छ ।
मंगलबार, नेप्से परिसूचक २०.२९ अंकले बढेर २०७९.७९ अंक विन्दुमा आइपुगेको छ ।
आज १ करोड ७८ लाख कित्ता सेयर ६ अर्ब ८ करोड २४ लाखमा खरिद बिक्री भएको छ ।
त्यस्तै, १५८ वटा कम्पनीको सेयर मूल्य बढ्दा २१ वटा कम्पनीको घटेको छ भने ८ वटा कम्पनीको स्थिर अवस्थामा रहेको छ ।
त्यसैगरि, सोनापुर मिनरल्सको सर्वाधिक सेयर खरिदबिक्री भएको छ । कम्पनीको आज २१ करोड ४९ लाख रुपैयाँमाथिको कारोबार भएको छ ।
त्यस्तै, निफ्राको १९ करोड ७३ लाख, सोल्टी होटलको १७ करोड ५३ लाख, माउन्टेन इनर्जीको १२ करोड ४३ लाख, रिलायबल नेपाल लाइफ इन्स्योरेन्सको १२ करोड १४ लाख रुपैयाँमाथिको कारोबार भएको छ ।
