काठमाडौं । साताको तेस्रो दिन सेयर बजारमा उछाल आएको छ ।
मंगलबार, नेप्से परिसूचक ४५.९८ अंकले बढेर २१०६.४८ अंक विन्दुमा आइपुगेको छ ।
आज १ करोड ६४ लाख कित्ता सेयर ५ अर्ब ९८ करोड ४६ लाखमा खरिद बिक्री भएको छ ।
त्यस्तै, १८३ वटा कम्पनीको सेयर मूल्य बढ्दा ५३ वटा कम्पनीको घटेको छ भने ७ वटा कम्पनीको स्थिर अवस्थामा रहेको छ ।
त्यसैगरि, शिवम् सिमेन्ट्सको सर्वाधिक सेयर खरिदबिक्री भएको छ । कम्पनीको आज ३७ करोड ४३ लाख रुपैयाँमाथिको कारोबार भएको छ ।
त्यस्तै, सोल्टी होटलको २८ करोड ७३ लाख, सोनापुर मिनरल्सको १६ करोड ७१ लाख, हाथवे इन्भेष्टमेन्टको १४ करोड २९ लाख, घोराही सिमेन्ट्सको १३ करोड ३० लाख रुपैयाँमाथिको कारोबार भएको छ ।
