काठमाडौं । साताको चौथो दिन सेयर बजार सामान्य अंकले बढेको छ ।
बुधबार, नेप्से परिसूचक ३.३३ अंकले बढेर १८४१.०४ अंक विन्दुमा आइपुगेको छ ।
आज ३७ लाख ५५ हजारको कित्ता सेयर १ अर्ब १४ करोड १८ लाखमा खरिद बिक्री भएको छ ।
त्यस्तै, १२१ वटा कम्पनीको सेयर मूल्य बढ्दा १०६ वटा कम्पनीको घटेको छ भने १३ वटा कम्पनीको स्थिर अवस्थामा रहेको छ ।
त्यसैगरि, रिलायबल नेपाल लाइफ इन्स्योरेन्सको सर्वाधिक सेयर खरिदबिक्री भएको छ । कम्पनीको आज ७ करोड ३४ लाख रुपैयाँमाथिको कारोबार भएको छ ।
त्यस्तै, सन नेपाल लाइफ इन्स्योरेन्सको ७ करोड ३० लाख, माउन्टेन इनर्जीको ६ करोड १९ लाख, सिटिजन्स लाइफ इन्स्योरेन्सको ५ करोड ७९ लाख, आईएमई लाइफ इन्स्योरेन्सको ५ करोड ३७ लाख रुपैयाँमाथिको कारोबार भएको छ ।
