काठमाडौं । साताको चौथो दिन सेयर बजारमा हरियाली छाएको छ ।
बुधबार, नेप्से परिसूचक २०.६७ अंकले बढेर १८५०.३३ अंक विन्दुमा आइपुगेको छ ।
आज ४२ लाख १३ हजारको कित्ता सेयर १ अर्ब ८ करोड ७० लाखमा खरिद बिक्री भएको छ ।
त्यस्तै, १९५ वटा कम्पनीको सेयर मूल्य बढ्दा ४० वटा कम्पनीको घटेको छ भने ३ वटा कम्पनीको स्थिर अवस्थामा रहेको छ ।
त्यसैगरि, सोनापुर मिनरल्सको सर्वाधिक सेयर खरिदबिक्री भएको छ । कम्पनीको आज १० करोड ७६ लाख रुपैयाँमाथिको कारोबार भएको छ ।
त्यस्तै, प्राइम कमर्सियल बैंक प्रमोटर सेयरको १० करोड २० लाख, मुक्तिनाथ विकास बैंक प्रमोटर सेयरको ५ करोड २२ लाख, हाथ्वे इन्भेष्टमेन्टको ४ करोड १ लाख, हिमालयन डेष्टिलरीको ४ करोड ६० हजार रुपैयाँमाथिको कारोबार भएको छ ।
