काठमाडौं । साताको पहिलो दिन सेयर बजारमा भारी गिरावट आएको छ ।
आइतबार, नेप्से परिसूचक २८.१८ अंकले घटेर १८७५.६५ अंक विन्दुमा आइपुगेको छ ।
आज २७ लाख १२ हजारको कित्ता सेयर ७४ करोड २९ लाखमा खरिद बिक्री भएको छ ।
त्यस्तै, २७ वटा कम्पनीको सेयर मूल्य बढ्दा २०० वटा कम्पनीको घटेको छ भने ७ वटा कम्पनीको स्थिर अवस्थामा रहेको छ ।
त्यसैगरि, नेशनल हाइड्रोपावर कम्पनीको सर्वाधिक सेयर खरिदबिक्री भएको छ । कम्पनीको आज ४ करोड ८ लाख रुपैयाँमाथिको कारोबार भएको छ ।
त्यस्तै, हाथवे इन्भेष्टमेन्ट नेपालको २ करोड ४७ लाख, सिटिजन्स लाइफ इन्स्योरेन्सको २ करोड ३० लाख, नबिल बैंकको २ करोड १७ लाख, घोराही सिमेन्ट्सको १ करोड ९९ लाख रुपैयाँमाथिको कारोबार भएको छ ।
