काठमाडौं । साताको पहिलो दिन सेयर बजारमा गिरावट आएको छ ।
आइतबार, नेप्से परिसूचक ३३.२० अंकले घटेर १९७१.१० अंक विन्दुमा आइपुगेको छ ।
आज ६७ लाख २३ हजारको कित्ता सेयर १ अर्ब ८३ करोड ४ लाखमा खरिद बिक्री भएको छ ।
त्यस्तै, १० वटा कम्पनीको सेयर मूल्य बढ्दा २२० वटा कम्पनीको घटेको छ भने २ वटा कम्पनीको स्थिर अवस्थामा रहेको छ ।
त्यसैगरि, सिटिजन लाइफ इन्स्योरेन्सको सर्वाधिक सेयर खरिदबिक्री भएको छ । कम्पनीको आज १४ करोड ७३ लाख रुपैयाँ माथिको कारोबार भएको छ ।
त्यस्तै, एनआईसी एसिया बैंकको ९ करोड ३५ लाख, सन नेपाल लाइफ इन्स्योरेन्सको ६ करोड ३ लाख, रिलायबल नेपाल लाइफ इन्स्योरेन्सको ५ करोड ४० लाख, शिवम् सिमेन्ट्सको ४ करोड ५६ लाख रुपैयाँमाथिको कारोबार भएको छ ।
