काठमाडौं । साताको पहिलो दिन सेयर बजारमा भारी गिरावट आएको छ ।
आइतबार, नेप्से परिसूचक ४२.१४ अंकले घटेर १९६४.९१ अंक विन्दुमा आइपुगेको छ ।
आज ५६ लाख ५९ हजारको कित्ता सेयर २ अर्ब २ करोड ८४ लाखमा खरिद बिक्री भएको छ ।
त्यस्तै, ११ वटा कम्पनीको सेयर मूल्य बढ्दा २१३ वटा कम्पनीको घटेको छ भने ३ वटा कम्पनीको स्थिर अवस्थामा रहेको छ ।
त्यसैगरि, एनआईसी एसिया बैंकको सर्वाधिक सेयर खरिदबिक्री भएको छ । कम्पनीको आज २७ करोड ५४ लाख रुपैयाँ माथिको कारोबार भएको छ ।
त्यस्तै, रिलायबल लाइफ इन्स्योरेन्सको २४ करोड ५२ लाख, एभरेष्ट बैंकको १२ करोड ५४ लाख, शिवम् सिमेन्ट्सको ६ करोड ४९ लाख, आईएमई लाइफ इन्स्योरेन्सको ४ करोड ६५ लाख रुपैयाँमाथिको कारोबार भएको छ ।
