काठमाडौं । साताको दोस्रो दिन सेयर बजार सामान्य अंकले बढेको छ ।
सोमबार, नेप्से परिसूचक ५.०९ अंकले बढेर १९९८.४८ अंक विन्दुमा आइपुगेको छ ।
आज ३६ लाख ७० हजारको कित्ता सेयर ९८ करोड ८६ लाखमा खरिद बिक्री भएको छ ।
त्यस्तै, ११८ वटा कम्पनीको सेयर मूल्य बढ्दा ९७ वटा कम्पनीको घटेको छ भने १२ वटा कम्पनीको स्थिर अवस्थामा रहेको छ ।
त्यसैगरि, लक्ष्मी सनराइज बैंकको सर्वाधिक सेयर खरिदबिक्री भएको छ । कम्पनीको आज ७ करोड ३१ लाख रुपैयाँ माथिको कारोबार भएको छ ।
त्यस्तै, सोल्टी होटलको ४ करोड ९८ लाख, आईएमई लाइफ इन्स्योरेन्सको ३ करोड ८४ लाख, घोराही सिमेन्ट्सको २ करोड ५१ लाख, शिवम् सिमेन्ट्सको २ करोड ४४ लाख रुपैयाँमाथिको कारोबार भएको छ ।
