काठमाडौं । साताको तेस्रो दिन सेयर बजारमा भारी अंकको गिरावट आएको छ ।
मंगलबार, नेप्से परिसूचक २८.५९ अंकले घटेर २०७७.५८ अंक विन्दुमा आइपुगेको छ ।
आज ६० लाख १५ हजारको कित्ता सेयर १ अर्ब ९२ करोड ४४ लाखमा खरिद बिक्री भएको छ ।
त्यस्तै, १७ वटा कम्पनीको सेयर मूल्य बढ्दा १९६ वटा कम्पनीको घटेको छ भने ३ वटा कम्पनीको स्थिर अवस्थामा रहेको छ ।
त्यसैगरि, अपर तामाकोशीको सर्वाधिक सेयर खरिदबिक्री भएको छ । कम्पनीको आज ८ करोड ७४ लाख रुपैयाँ माथिको कारोबार भएको छ ।
त्यस्तै, शिवम् सिमेन्ट्सको ७ करोड ९ लाख,सोल्टी होटलको ६ करोड २६ लाख, हिमालयन लाइफ इन्स्योरेन्सको ५ करोड १८ लाख र ज्योति विकास बैंकको ५ करोड ३ लाख रुपैयाँमाथिको कारोबार भएको छ ।
