काठमाडौं । साताको अन्तिम दिन पनि सेयर बजारमा गिरावट आउने क्रम जारी रहेको छ ।
बिहीबार, नेप्से परिसूचक २९.११ अंकले घटेर २१२६.४८ अंक विन्दुमा आइपुगेको छ ।
आज ६२ लाख ७१ हजारको कित्ता सेयर २ अर्ब ४२ करोड ५७ लाखमा खरिद बिक्री भएको छ ।
त्यस्तै, १६ वटा कम्पनीको सेयर मूल्य बढ्दा १९३ वटा कम्पनीको घटेको छ भने ९ वटा कम्पनीको स्थिर अवस्थामा रहेको छ ।
त्यसैगरि, शिवम् सिमेन्ट्सको सर्वाधिक सेयर खरिदबिक्री भएको छ । कम्पनीको आज १० करोड ५७ लाख रुपैयाँ माथिको कारोबार भएको छ ।
त्यस्तै, हिमालयन लाइफ इन्स्योरेन्सको ८ करोड ३६ लाख, प्रोग्रेशिभ फाइनान्सको ६ करोड ८० लाख, नेपाल रि इन्स्योरेन्सको ६ करोड ११ लाख र एभरेष्ट बैंकको ६ करोड ३ लाख रुपैयाँमाथिको कारोबार भएको छ ।
