काठमाडौं । सेयर बजारमा हरियाली छाउने क्रम जारी रहेको छ।
बुधबार, नेप्से परिसूचक ११.१७ अंकले बढेर २१६५.२४ अंक विन्दुमा आइपुगेको छ ।
आज ८६ लाख ७४ हजारको कित्ता सेयर ३ अर्ब ३४ करोड ८६ लाखमा खरिद बिक्री भएको छ ।
त्यस्तै, ७३ वटा कम्पनीको सेयर मूल्य बढ्दा १३१ वटा कम्पनीको घटेको छ भने १३ वटा कम्पनीको स्थिर अवस्थामा रहेको छ ।
त्यसैगरि, युनाइटेड अजोड इन्स्योरेन्सको सर्वाधिक सेयर खरिदबिक्री भएको छ । कम्पनीको आज २३ करोड ५७ लाख रुपैयाँ माथिको कारोबार भएको छ ।
त्यस्तै, एनआईसी एसिया बैंकको १४ करोड ७० लाख, शिवम् सिमेन्ट्सको १३ करोड ८८ लाख, फष्र्ट माइक्रो फाइनान्स लघुवित्तको ८ करोड ६७ लाख र हिमालयन लाइफ इन्स्योरेन्सको ८ करोड ४२ लाख रुपैयाँमाथिको कारोबार भएको छ ।
