काठमाडौं । अप्पर स्यांगे हाइड्रोपावर लिमिटेडको आईपीओमा तेस्रो दिनसम्म १८.४३ गुणा बढी आवेदन परेको छ ।
मंगलबार साँझ ५ः१२ बजेसम्ममा ९ लाख ६ हजार १०८ आवेदनबाट ९९ करोड ४५ लाख ६६ हजार रुपैयाँ बराबरको ९९ लाख ४५ हजार ६६० कित्ता सेयरको लागि आवेदन परेको सिडिएस एण्ड क्लियरिङले जनाएको छ ।
जुन सर्वसाधारणलाई निष्काशन गरेको ५ लाख ३९ हजार ५०० कित्ता सेयरको १८.४३ गुणा बढी हो ।
कम्पनीले असार १० गतेबाट सर्वसाधारणका लागि ५ लाख ३९ हजार ५ सय कित्ता सेयर निष्काशन गरेको हो ।
कम्पनीले जारी पूँजीको २९.५५ प्रतिशतले हुन आउने ६ करोड ५० लाख रुपैयाँ बराबरको प्रतिसेयर १ सय रुपैयाँ अंकित मूल्यका ६ लाख ५० हजार कित्ता साधारण सेयरको १० प्रतिशत वैदेशिक रोजगारीमा रहेका नेपालीहरुका लागि र ५ प्रतिशत सामूहिक लगानी कोषलाई बाँडफाँट गरिसकेको छ ।
यस्तै ६ लाख ५० हजारको २ प्रतिशतले हुन आउने १३ हजार कित्ता कर्मचारीका लागि सुरक्षित गरी बाँकी रहेको ५ लाख ३९ हजार ५०० कित्ता सेयर सर्वसाधारण लगानीकर्ताहरुका लागि निष्काशन गरेको हो ।
कम्पनीको आईपीओमा न्यूनतम १० कित्तादेखि अधिकतम् १ लाख कित्ताका लागि आवेदन दिन सकिनेछ । कम्पनीको आईपीओमा माग भन्दा बढी आवेदन परेकोले असार १३ गतेसम्म आवेदन दिन सकिने छ ।
लगानीकर्ताले धितोपत्र बोर्डबाट अनुमति लिई आस्बा सेवामा सहभागी बैंक तथा वित्तीय संस्थाहरुबाट सि–आस्बा प्रणाली मार्फत आवेदन दिन सक्नेछन् । यसका साथै सिडिएस एण्ड क्लियरिङबाट निर्माण गरिएको सफ्टवेयर मेरो सेयर अनलाइनबाट पनि आवेदन दिन सक्नेछन् ।
कम्पनीको सेयर निष्काशन तथा बिक्री प्रबन्भकमा सिद्धार्थ क्यापिटल रहेको छ ।
आईपीओ निष्काशनको लागि गराएको रेटिङमा केयर रेटिङ नेपालले कम्पनीलाई केयर एनपी डबल बी इस्यूअर रेटिङ प्रदान गरेको छ । यसले कम्पनीको दायित्व बहन गर्ने क्षमतामा औसत जोखिम रहेको संकेत गर्दछ ।
कम्पनीले लमजुंग जिल्लाको मस्र्याङदी गा.पा. वडा नं. ४, स्यांगे नदीमा २.४ मेगावाट क्षमताकोे हाइड्रोपावर आयोजना निर्माण सम्पन्न गरि २०७८/११/१५ देखि व्यापारिक उत्पादन सुरु गरेको छ ।
कम्पनीको यस आयोजनाको प्रति मेगावाट लागत २१ करोड ३ लाख रहेको छ ।
