काठमाडौं । सेयरबजारमा पुनः गिरावट आएको छ ।
बुधबार, नेप्से परिसूचक २.४३ अंकले घटेर १८४१.९३ अंक विन्दुमा आइपुगेको छ ।
आज १९ लाख ४२ हजारको कित्ता सेयर ५८ करोड ९१ लाखमा खरिद बिक्री भएको छ ।
त्यस्तै, ८८ वटा कम्पनीको सेयर मूल्य बढ्दा ११३ वटा कम्पनीको घटेको छ भने १५ वटा कम्पनीको स्थिर अवस्थामा रहेको छ ।
त्यसैगरि, हिमाल दोलखा हाइड्रोपावरको सर्वाधिक सेयर खरिदबिक्री भएको छ । कम्पनीको आज ३ करोड ५६ लाख रुपैयाँ माथिको कारोबार भएको छ ।
नबिल बैंकको ३ करोड ५४ लाख, शिवम् सिमेन्ट्सको ३ करोड २८ लाख, नेपाल टेलिकम २ करोड ५६ लाख र एभरेष्ट बैंकको १ करोड ३४ लाख रूपैयाँमाथिको कारोबार भएको छ ।
