काठमाडौं । नेपाल स्टक एक्सचेन्ज (नेप्से)मा सगरमाथा जलविद्युत कम्पनीको आईपीओ सूचीकृत भएको छ । बुधबार कम्पनीको १ करोड १२ लाख कित्ता सेयर नेप्सेमा सूचीकृत भएको हो ।
नेप्सेले कम्पनीको पहिलो कारोबारको लागि १११.४१ रुपैयाँदेखि ३३४.२३ रुपैयाँसम्मको रेन्ज तोकेको छ। यस रेन्जको बीचमा रहेको जुनसुकै मूल्यबाट पहिलो कारोबार हुन सक्ने ब्यबस्था रहेको छ । कम्पनीको ‘SMJC’ सिम्बलबाट कारोबार हुने छ।
सेयर सूचीकृत भएसँगै भोलि बिहिबारबाट कम्पनीको सेयर कारोबारमा आउने छ। बिहीबारको स्पेसल प्रि ओपन सेसनमा पहिलो कारोबार भई मूल्य तय भएपछि नियमित सत्रमा कम्पनीको सेयर कारोबार हुने छ ।
