काठमाडौं । दोल्ती पावर कम्पनी लिमिटेडको आईपीओमा पहिलो दिनमै २.२३ गुणा बढी आवेदन परेको छ । मंगलबार साँझ ५ः१० बजेसम्ममा २ लाख ५३ हजार ५५६ आवेदकबाट २८ करोड ३६ लाख ७१ हजार रुपैयाँ बराबरको २८ लाख २६ हजार ७१० कित्ता सेयरको लागि आवेदन परेको सिडिएस एण्ड क्लियरिङले जनाएको छ ।
जुन सर्वसाधारणको लागि निष्कासन गरेको १२ लाख ७१ हजार ८६१ कित्ता सेयरको २.२३ गुणा बढी हो ।
कम्पनीले आज चैत २८ गतेदेखि सर्वसाधारणका लागि आईपीओ निष्कासन गरेको हो ।
कम्पनीले १ करोड ७ लाख २९ हजार ८०० रुपैयाँबराबरको आईपीओ बिक्री खुला गरेको हो । जसअनुसार १०० अंकित दरका कुल १० लाख ७२ हजार ९७२ कित्ता जारी भएको छ।
कुल कित्तामध्ये ५ प्रतिशतले हुन आउने ६८ हजार १७ कित्ता सामूहिक लगानी कोषलाई छुट्याइएको छ भने १ लाख ७ हजार २९८ कित्ता साधारण सेयर वैदेशिक रोजगारीमा रहेका नेपालीलाई बिक्री गरिसकिएको छ।
बाँकी रहेको १२ लाख ७१ हजार ८६१ कित्तामा सर्वसाधारणले खरिद आवेदन दिन सक्नेछन्। यो आईपीओमा लगानीकर्ताले न्यूनतम १० कित्तादेखि अधिकतम १० हजार कित्ताको लागि आवेदन दिन सक्नेछन्।
लगानीकर्ताले नेपाल धितोपत्र बोर्डबा अनुमति प्राप्त सी९आस्बा सेवामा सहभागी बैंक तथा वित्तीय संस्था र सीडीएससीको मेरो सेयरमार्फत आवेदन दिन सक्नेछन्।
कम्पनीको आईपीओमा पहिलो दिनमै माग भन्दा बढी आवेदन परेकोले लगानीकर्ताले वैशाख ३ गतेसम्म आवेदन दिन सक्ने छन् ।
कम्पनीको आईपीओ निष्कासन तथा बिक्री प्रबन्धकमा एनआईसी एसिया क्यापिटल रहेको छ।
