काठमाडौं । मकर जितुमाया सुरी हाइड्रोपावरको आईपीओमा अन्तिम दिनसम्ममा ११.०१ गुणा बढी आवेदन परेको छ ।
बुधबार साँझ ५ः११ बजेसम्ममा १३ लाख २५ हजार ८४७ आवेदकबाट एक अर्ब ४७ करोड ३५ लाख ५३ हजार रुपैयाँ बराबरको १ करोड ४७ लाख ३५ हजार ५३० कित्ता सेयरको लागि आवेदन परेको सिडिएस एण्ड क्ल्यिरिङले जनाएको छ ।
जुन सर्वसाधारणलाई निष्कासन गरेको १३ लाख ३७ हजार ३०२ कित्ता सेयरको ११.०१ गुणा बढी हो ।
कम्पनीको आईपीओमा माग भन्दा बढी आवेदन परेकोले धितोपत्र निष्कासन तथा बाँडफाँट निर्देशिका अनुसार गोलाप्रथा माध्यमबाट न्युनतम १० कित्ताको दरले सेयर वितरण हुनेछ । जसअनुसार १ लाख ३३ हजार ७३० जनाले मात्रै १० कित्ता सेयर पाउनेछन् ।
कम्पनीले सर्वसाधारणका लागि चैत १९ गतेदेखि आज चैत २२ गतेसम्म २२ करोड ८० लाख रुपैयाँ बराबरको आईपीओ जारी गरेको हो ।
जसअनुसार कम्पनीले प्रतिकित्ता १०० अंकित मूल्यका दरले २२ लाख ८० हजार कित्ता साधारण सेयर निष्कासन गरेको हो । यो मध्ये ५ प्रतिशत अर्थात् ८० हजार कित्ता सामूहिक लगानी कोष र २ प्रतिशत अर्थात् ३२ लाख २८ हजार कित्ता सेयर कर्मचारीहरुका लागि छुट्याइएको छ ।
बाँकी १३ लाख ३७ हजार ३०२ कित्ताका लागि सर्वसाधारणले आवेदन दिएका छन् । यसअघि यस हाइड्रोपावरले आयोजना प्रभावित स्थानीय र वैदेशिक रोजगारीमा रहेका नेपालीहरुका लागि आइपीओ बिक्री खुला गरिसकेको छ ।
कम्पनीको सेयर निष्कासन तथा बिक्री प्रबन्धकमा प्रभु क्यापिटल मार्केट रहेको छ । लगानीकर्ताले सी-आस्वा प्राप्त बैंक तथा वित्तीय संस्था तथा मेरो सेयरमार्फत सेयर भर्न सक्नेछन् । रेटिङ एजेन्सी इक्रा नेपालले मकर जितुमाया सुरीको आइपीओलाई औसत जोखिम आधार जनाउने ‘केयर एनपी डबल बी’ रेटिङ दिएको छ ।
