काठमाडौं । साताको अन्तिम दिन नेप्सेमा गिरावट आएको छ ।
बिहीबार, नेप्से परिसूचक १०.८७ अंकले घटेर १९०८.५५ अंक विन्दुमा आइपुगेको छ ।
आज २७ लाख ५० हजारको कित्ता सेयर ८९ करोड ९५ लाखमा खरिद बिक्री भएको छ ।
त्यस्तै, ४९ वटा कम्पनीको सेयर मूल्य बढ्दा १५७ वटा कम्पनीको घटेको छ भने ९ वटा कम्पनीको स्थिर अवस्थामा रहेको छ ।
त्यसैगरि, शिवम् सिमेन्ट्सको सर्वाधिक सेयर खरिदबिक्री भएको छ । कम्पनीको आज ५ करोड ५८ हजार रुपैयाँ माथिको कारोबार भएको छ ।
त्यस्तै, हिमालयन डेष्टिलरीको ३ करोड १२ लाख, जीवन विकास लघुवित्तको २ करोड १४ लाख, एनआईसी एसिया बैंकको २ करोड १३ लाख र नबिल बैंकको २ करोड ४ लाख रूपैयाँमाथिको कारोबार भएको छ ।
