काठमाडौं । साताको तेस्रो दिन पनि नेप्से सामान्य अंकले बढेको छ ।
मंगलबार, नेप्से परिसूचक १.८५ अंकले बढेर १९५३.०६ अंक विन्दुमा आइपुगेको छ ।
आज ३३ लाख १८ हजारको कित्ता सेयर १ अर्ब १३ करोड ५९ लाखमा खरिद बिक्री भएको छ ।
त्यस्तै, १२६ वटा कम्पनीको सेयर मूल्य बढ्दा ७८ वटा कम्पनीको घटेको छ भने १० वटा कम्पनीको स्थिर अवस्थामा रहेको छ ।
त्यसैगरि, एनआईसी एसियाको सर्वाधिक सेयर खरिदबिक्री भएको छ । कम्पनीको आज १० करोड ४८ लाख रुपैयाँ माथिको कारोबार भएको छ ।
त्यस्तै, नबिल बैंकको ३ करोड ४८ लाख, शिवम् सिमेन्ट्सको ३ करोड १६ लाख, हिमालयन डेष्टिलरीको २ करोड ७७ लाख र हिमालयन बैंकको २ करोड ६१ लाख रूपैयाँमाथिको कारोबार भएको छ ।
