काठमाडौं । साताको दोस्रो दिन नेप्से सामान्य अंकले बढेको छ ।
सोमबार, नेप्से परिसूचक ४.५७ अंकले बढेर २१००.६५ अंक विन्दुमा आइपुगेको छ ।
आज ३९ लाख २२ हजारको कित्ता सेयर १ अर्ब ४७ करोड ४१ लाखमा खरिद बिक्री भएको छ ।
त्यस्तै, १०४ वटा कम्पनीको सेयर मूल्य बढ्दा ९५ वटा कम्पनीको घटेको छ भने १७ वटा कम्पनीको स्थिर अवस्थामा रहेको छ ।
त्यसैगरि, एनआइसी एसियाको सर्वाधिक सेयर खरिदबिक्री भएको छ । कम्पनीको आज ६ करोड ४५ लाख रुपैयाँ माथिको कारोबार भएको छ ।
त्यस्तै, युनिर्भशल पावर कम्पनीको ५ करोड ३५ लाख,नेपाल लाइफ इन्स्योरेन्सको ४ करोड ८९ लाख, हिमालयन डेष्टिलरीको ४ करोड ७७ लाख, आशा लघुवित्तको ४ करोड ३ लाख रुपैयाँमाथिको कारोबार भएको छ ।
