काठमाडौं । साताको अन्तिम दिन सेयर बजारमा सामान्य गिरावट आएको छ ।
बिहीबार, नेप्से परिसूचक ०.०१ अंकले घटेर १८६७.२१ अंक विन्दुमा आइपुगेको छ ।
आज ३१ लाख ११ हजारको कित्ता सेयर १ अर्ब ११ करोड ९७ लाखमा खरिद बिक्री भएको छ ।
७६ वटा कम्पनीको सेयर मूल्य बढ्दा १२४ वटा कम्पनीको घटेको छ भने ११ वटा कम्पनीको स्थिर अवस्थामा रहेको छ।
सृजनशील लघुवित्तमा १० प्रतिशत र धौलागिरी लघुवित्तमा ९.९९ प्रतिशतको सकरात्मक सर्किट लागेको छ ।
त्यसैगरि, नेपाल टेलिकमको सर्वाधिक सेयर खरिदबिक्री भएको छ । कम्पनीको आज १४ करोड ९९ लाख रुपैयाँ माथिको कारोबार भएको छ ।
त्यस्तै, एनआइसी एसियाको ५ करोड ६९ लाख, नबिल बैंकको ५ करोड ३१ लाख, हिमालयन डेष्टिलरीको ४ करोड ८१ लाख र शिवम् सिमेन्टसको ३ करोड ९९ लाख रुपैयाँमाथिको कारोबार भएको छ ।