काठमाडौं । नेपाल स्टक एक्सचेञ्ज (नेप्से) मा सोल्टी होटल लिमिटेडको सेयर मूल्य समायोजन भएको छ । बुधबार कम्पनीले ५ प्रतिशत बोनस सेयर वितरणका लागि बुकक्लोज गर्ने भएसँगै नेप्सेले होटलको सेयरमूल्य समायोजन गरेको हो ।
नेप्सेले होटलको चुक्ता पुँजीको ५ प्रतिशत बोनस सेयर समायोजनपछि प्रतिसेयर २१५.२४ रुपैयाँ मूल्य कायम गरेको छ । बुधबार कारोबार भएको अन्तिम मूल्य २२६ रुपैयाँलाई आधार मानेर नेप्सेले समायोजित भाउ तोकेको हो ।
बुधबार समायोजित सेयर मूल्यको आधारमा भोलि बिहीबार नेप्सेमा कारोबार खुल्नेछ ।
