काठमाडौं । बाराही हाइड्रोपावर पब्लिक लिमिटेडले भोलि (मङ्सिर २१ गते) देखि सर्वसाधारणलाई आईपीओ निष्काशन गर्ने भएको छ ।
कम्पनीले स्थानीयलाई आईपीओ निष्काशन गर्दा बिक्री नभएको १ लाख ४ हजार कित्ता, र सर्वसाधारणलाई छुट्याईएको ४ लाख ५० हजार कित्ता गरि कुल ५ लाख ५४ हजार कित्ता सर्वसाधारणमा निष्काशन हुन लागेको हो ।
जसमध्ये २७ हजार कित्ता सेयर सामुहिक लगानी कोषको लागे छुट्याईएको छ भने ११ हजार ८० कित्ता सेयर कम्पनीका कर्मचारीको लागि छुट्याईएको छ । बाँकि रहेको ५ लाख १५ हजार २ सय २० कित्ता सेयरको लागि सर्वसाधारणले आवेदन दिन सक्नेछन् । आवेदन दिंदा न्युनतम १० कित्ता र अधिकतम १० हजार कित्ताको लागि आवेदन दिनु पर्ने छ । आईपीओमा मङ्सिर २६ गतेसम्म आवेदन दिन सकिने छ ।
कम्पनीको सेयर निष्काशनको लागि एनआईबिएल एस क्यापिटल बिक्री प्रबन्धक रहेको छ ।
कम्पनीले बाग्लुङ जिल्लाका आयोजना प्रभावित स्थानीयलाई कार्तिक ४ गतेदेखि कार्तिक २५ गतेसम्म आईपीओ निष्काशन गरेको थियो। आईपीओ निष्काशनपछि कम्पनीको चुक्ता पुँजी २५ करोड हुने छ ।
यस कम्पनीले बाग्लुङको जैमिनी नगरपालिकामा ठेउले खोलाको पानी उपयोग गरि १.५ मेगावाटको ठेउले खोला जलविद्युत आयोजना संचालन गरिरहेको छ । आयोजनाले २०७५ असार २४ गतेदेखि व्यापारिक उत्पादन सुरु गरि नेपाल विद्युत प्राधिकरणलाई विद्युत बिक्रि गरिरहेको छ ।
