काठमाडौं । साताको चौथो दिन पनि सेयर बजारमा गिरावट आएको छ ।
बुधबार, नेप्से परिसूचक ७.७२ अंकले घटेर १९२१.९९ अंक विन्दुमा आइपुगेको छ ।
आज २८ लाख २९ हजारको कित्ता सेयर १ अर्ब २ करोड २२ लाखमा खरिद बिक्री भएको छ ।
त्यस्तै, ५७ वटा कम्पनीको सेयर मूल्य बढ्दा १२४ वटा कम्पनीको घटेको छ ७ वटा कम्पनीको स्थिर अवस्थामा रहेको छ।
त्यसैगरि, सिभिल बैंकको सेयरमा १० प्रतिशत र घलेम्दी हाइड्रोमा ९.९८ प्रतिशतको सकरात्मक सर्किट लागेको छ ।
आज नबिल बैंकको सर्वाधिक सेयर खरिदबिक्री भएको छ । कम्पनीको आज १२ करोड ७७ लाख रुपैयाँ माथिको कारोबार भएको छ ।
त्यसैगरि, हिमालयन डेष्टिलरीको ११ करोड ९ लाख, सिभिल बैंकको ६ करोड ८२ लाख, शिवम् सिमेन्ट्सको ६ करोड ६ लाख र नेशनल लाइफ इन्स्योरेन्सको ३ करोड ४५ लाख रुपैयाँमाथिको कारोबार भएको छ ।
