काठमाडौं । इन्भेष्टर्स फोरम नेपालका अध्यक्ष छोटेलाल रौनियारले अहिले सेयर बजारमा लगानी गर्ने उपयुक्त समय भएको बताएका छन् । बजार अहिले ‘रेड जोन’ बाट ‘ग्रीन जोन’ मा उकालो लाग्दै गरेकोले लगानी गर्ने उपयुक्त समय भएको उनले बताएका हुन् । ‘यो लगानी गर्ने खराब समय होइन, बादलको छिद्रहरू देखिएको हो,’ छिट्टै फाट्छ,’ उनले भने ‘ढुक्क भएर लगानी गर्नोस्, प्रतिफल कम्पाउण्डिङ भ्यालुमा पाउनु हुन्छ ।’
अहिले तरलता बढ्ने र ब्याजदर घट्ने धेरै कारणहरू देखा परेका छन् । यो समय पाकिसकेको रोटी खाने समय हो । छोटो समयमै बजारले बुलिस टे«ण्ड समातेकोले अहिले लागनी गर्ने ८० प्रतिशत अवसर भएको रौनियारले बताए । १५ महिला ब्याज तिरिसकेका, पछिल्लो समय भएका ब्रोकर लाइसेन्स, नयाँ स्टक एक्सचेन्ज, एनआरएनलाई भित्र्र्याउने देखि रेमिट्यान्सलाई थप सुविधा दिनेसम्मका विकास भएकोले पनि अहिले लागनी गर्ने वातावरण चारैतिरबाट बन्दै आएको उनले सुझाए ।
नेपाल दक्षिण एशियामै कम सेयर मूल्य भएको देश हो भन्ने प्रशंग कोट्याउँदै उनले भने ‘१५ महिनामा साढे १३ सय अंकले घटेको बजारले आम लगानीकर्ताको मनोबललाई कमजोर बनायो । तर, अहिले ‘रेड जोन’ मा बजार छ तर बजार बढ्ने दिन टाढा छैन, हाम्रै वरिपरि घुमिरहेको छ । छिट्टै बुलिस ट्रेन समात्ने छ ।’
सैद्धान्तिक रुपमा बलियो कम्पनी त्यसमा पनि ग्रोथ रेट, नेटवर्थ, ईपीएस राम्रो भएका र एनपीएल कम भएको कम्पनीमा लगानी गर्दा कहिले पनि डराउनु नपर्ने उनकोभ भनाइ छ । पछिल्लो ३ वर्षमा बजारमा धेरै लगानीकर्ता भित्रिए र सेयर शिक्षा बिना नै जथाभावी लगानी भयो । सेयर बजारमा राम्रो दख्खल नभएका लगानीकर्ता अलिकति बजार बढ्दैमा मात्तिने र थोरै घट्यो भने पनि आत्तिने कारणले अहिले आम लागनीकर्ताको मनोबल खस्किएको हो ।
उनका अनुसार अहिले पनि ४०/५० अंकले बजार घट्दा समेत आत्तिनु पर्दैन । घटेको बेलामा सेयर बेच्ने नभइ सहनशील भएर थामेर राख्ने र उचित समय आएपछि बिक्री गर्ने हो । उनले थपे ‘अहिले सेयर बेच्दै नबेच्नुस्, यदि तपाईहरूसँग पैसा छ भने जति सक्नु हुन्छ त्यति किनेर राख्नुस् । बैंकको ब्याजदर अब छिट्टै घट्ने देखिएको छ । उद्यमी व्यवसायी ब्याजदर घटाउन सडकमा उत्रिएका छन् । सरकार र राष्ट्र बैंकलाई पनि चर्को ब्याजदर घटाउनु पर्ने दवाव चर्कैछ ।
संसारमा नचलेको १५/१८ प्रतिशतको ब्याजदरको दवदवा अब धेरै दिन नहने बताउँदै उनले भने अब ब्याजदर बढ्दैन, राष्ट्र बैंक आफैले बाध्य भएर ब्याजदर घटाउने नीति बनाउँदैछ । समस्या भएका बेला जोगाउन सकनुपर्छ ।’
