काठमाडौं । साताको अन्तिम दिन सेयर बजारमा गिरावट आएको छ ।
बिहीबार, नेप्से परिसूचक १६.१४ अंकले घटेर १९२२.१६ अंक विन्दुमा आइपुगेको छ ।
आज २७ लाख ६७ हजारको कित्ता सेयर ८९ करोड ८९ लाखमा खरिद बिक्री भएको छ ।
त्यस्तै, उपसमूहतर्फ नन् लाइफ इन्स्योरेन्स र लाइफ इन्स्योरेन्स बाहेक सबै कम्पनीहरुमा राताम्मै देखिएको छ ।
आज २७ वटा कम्पनीको सेयर मूल्य बढ्दा १५३ वटा कम्पनीको घटेको छ भने ५ वटा कम्पनीको स्थिर अवस्थामा रहेको छ ।
आज एभरेष्ट बैंकको सर्वाधिक सेयर खरिदबिक्री भएको छ । कम्पनीको आज ४ करोड ३ लाख रुपैयाँ माथिको कारोबार भएको छ ।
त्यसैगरि, गरिमा विकास बैंक प्रमोटर सेयरको ३ करोड ६० लाख, अरुण काबेली पावरको ३ करोड ४५ लाख, एनआईसी एसियाको ३ करोड १७ लाख र शिवम् सिमेन्ट्सको ३ करोड १६ लाख रुपैयाँमाथिको कारोबार भएको छ ।
