काठमाडौं । इस्टर्न हाइड्रोपावर लिमिटेडको आईपीओ बाँडफाँट हुने भएको छ । बिक्रि प्रबन्धक एनएमबि क्यापिटलका अनुसार कम्पनीको आईपीओ कार्तिक १७ गते बिहिबार बिहान ९ बजे क्यापिटल कै कार्यलयमा बाँडफाँट गर्न लागेको हो ।
क्यापिटलले शुक्रबर सेयर बाँडफाँट गर्ने बताएपनि पनि सम्पूर्ण तयारी सकिएकोले बिहिबार नै सेयर बाँडफाँट गर्न लागिएको जनाएको छ ।
आइपीओको प्रि-अलोटमेन्ट कार्तिक १५ गते भएको थियो।
कम्पनीले असोज २८ गतेदेखि स्थानीय बासिन्दालाई बिक्री खुला गर्दा बिक्री नभएको ५० हजार ३ सय १० कित्ता समेत जोडेर सर्वसाधारणलाई ६ लाख ७० हजार ३ सय १० कित्ता सेयर निष्काशन गरेको हो ।
जस मध्ये ३३ हजार ५ सय १५ कित्ता सामुहिक लगानी कोषहरुको लागि छुट्याईएको छ भने १३ हजार ४ सय ६ कित्ता सेयर कम्पनीका कर्मचारीको लागि छुट्याईएको छ । बाँकी रहेको ६ लाख २३ हजार ३ सय ८९ कित्ता सेयरको लागि सर्वसाधारणले आवेदन दिएका छन् ।
सेयर निष्काशनको लागि एनएमबि क्यापिटल बिक्री प्रबन्धक रहेको छ ।
कम्पनीले भोजपुर जिल्लामा ५ मेगावाटको पिखुवा खोला जलविद्युत् आयोजना निर्माण सम्पन्न गरि विद्युत उत्पादन गरिरहेको छ । त्यस्तै भोजपुर मै १४.१ मेगावटको इर्खुवा जलविद्युत आयोजनाको सर्भे गरिरहेको छ ।
