काठमाडौं । साताको पहिलो दिन सेयर बजारमा गिरावट आएको छ ।
आइतबार, नेप्से परिसूचक ९.६९ अंकले घटेर १८६०.९४ अंक विन्दुमा आइपुगेको छ ।
आज २५ लाख ७४ हजारको कित्ता सेयर ८० करोड ३५ लाखमा खरिद बिक्री भएको छ ।
त्यस्तै, उपसमूहतर्फ बैंकिङ र मेन्यू एण्ड प्रो बाहेक सबै कम्पनीहरुमा राताम्मै देखिएको छ ।
आज ३० वटा कम्पनीको सेयर मूल्य बढ्दा १४८ वटा कम्पनीको घटेको छ भने ५ वटा कम्पनीको स्थिर अवस्थामा रहेको छ ।
त्यसैगरि, अभियान लघुवित्तको सेयरमा ९.९९ प्रतिशतको सर्किट लागेको छ ।
आज एभरेष्ट बैंकको सर्वाधिक सेयर खरिदबिक्री भएको छ । कम्पनीको आज ८ करोड ४७ लाख रुपैयाँ माथिको कारोबार भएको छ ।
त्यसैगरि, गरिमा विकास बैंकको ४ करोड ८८ लाख, हिमालयन डिस्टिलरीको ३ करोड ३२ लाख, शिवम् सिमेन्ट्सको २ करोड ९९ लाख र रिडी हाइड्रोपावरको २ करोड ७८ लाख रुपैयाँमाथिको कारोबार भएको छ ।
